Të gjithë zviceranët që bindin miqtë, kolegët ose të afërmit e tyre që të vaksinohen kundër Covid-19 mund të shpërblehen, sipas një propozimi që synon të nxisë përhapjen e vaksinimit.
”Njerëzit që nxisin të tjerët të marrin vaksinën do të marrin kuponë me vlerë 50 franga (53 dollarë)”, theksoi ministri i Shëndetësisë, Alain Berset, raporton ATSh.
Kuponët mund të përdoren në restorante ose kinema.
”Skema do të funksiononte nëse njerëzit që marrin një vaksinë kalojnë emrin e personit që i bindi ata ta bëjnë këtë”, sipas propozimit të Berset.
Vetëm 58,46% e njerëzve zviceranë janë plotësisht të vaksinuar, sipas të dhënave të shëndetit publik.
Qeveria gjithashtu planifikon të krijojë 50 qendra të tjera të lëvizshme të vaksinimit.
Shfaq Komentet (0)
